Endlech ass et esouwäit! Deen éischten Dag an der Mme Dr. Valérie Gréngespoun hirer neier Praxis, déi si vum duerfbeléiften an elo pensionéierten Dr. Fuuss iwwerholl huet, fänkt schonn direkt gutt un! Gott sei dank steet d’Fanny, Sekretärin, Assistentin a gutt Séil vunn der Praxis hir mat Rot an Dot zur Säit, wéi dee groussspuerege Buergermeeschter Lucien Luussert mat sénger Fra Anni, samt sénger Mamm Rosa opkräizt. Dréngensd verlaangt hien en Attest, dass d’Bomi Rosa esou séier wi méiglech an d’Altersheim agewise ka ginn. Mä do huet net nëmmen d‘Rosa eppes dergéint!
Wéi dann och nach deen als mënschescheien Tuddeler bekannte Benny, Fleeger aus dem „Dëlpessenhaus“, der lokaler Psychiatrie-Klinik, mat dräi Patienten opdaucht, geet et an der Praxis drënner an driwwer. D’Claire, den Didi an de Carlo brénge mat onsichtbaren Déieren, engem Röntgebrëll a verschidden Zaubertricken net nëmmen anstänneg Schwong an d’Bud, mä erfanne kuerzerhand och nach komplett nei Behandlungsmethoden! Speziell de Carlo wiesselt esou séier d’Perséinlechkeeten, datt et engem dronke gëtt. Wien hei zu gudder Lescht wierklech Patient, Dokter, Fleeger oder Dëlpes ass, dat gëlt et erauszefannen!
